Вкупно 134 починати лица од тетовско го остварувале правото и добивале средства за туѓа нега и по нивната смрт, поради тоа што Меѓуопштинскиот центар за социјални работи во Тетово не презел мерки за да донесе решенија за негово укинување. Заради ваквото постапување извршена е неоснована исплата на 1.8 милиони денари или близу 30 илјади евра, информира на денешната прес-конференција министерката за труд и социјална политика Фросина Ташевска Ременски.
Тројца од 134 починати лица, за кои продолжило правото на туѓа нега и по нивната смрт, додаде таа, сè уште фигурираат во избирачкиот список за што ќе биде информирано МВР и ДИК.
„Ги преземаме сите неопходни мерки за утврдување на одговорност“, рече таа.
Таа рече дека во текот на следните денови ќе објави злоупотреби и во други градови.