Чешкото Министерство за правда соопшти дека и САД и Русија побарале екстрадиција на Евгениј Никулин, 29-годишен руски државјанин кој беше уапсен во Прага поради американски обвиненија за хакирање и кражба на податоци.
Чешката полиција го уапси Никулин на 5 октомври по барање на САД, под обвиненија дека ги хакирал базите на податоци на интернет компаниите Линкедин, Дропбокс и Формспринг. Тој се соочува со обвиненија за компјутерски упад, тешка кражба на идентитет и кражба на податоци.
Руски претставници претходно соопштија дека работат да спречат екстрадиција на Никулин во САД.