Турската полиција денеска издаде наредба за апсење на лидерот на сириската курдска Партија за демократско единство, Салех Муслим, во врска со бомбашкиот напад од февруари годинава врз автобус на турската армија во Анкара, јавуваат турските новински агенции. Наредби за приведување за овој напад се издадени и за уште 47 лица, посочува турската агенција.
Партијата за демократско единство е поврзана со Силите за заштита на народот, кои во борбата против Исламска држава во Сирија имаат поддршка од САД.
На 17 февруари годинава во експлозија на автомобил-бомба загинаа 29 лица, а главна цел на нападот беше воен персонал во Анкара.