Американскиот амбасадор во земјава, Џес Бејли по повод почетокот на изборната кампања на неговиот профил на социјалната мрежа Твитер ги повика политичките лидери да спроведат кампања без заплашување и насилство и да не креваат политички и меѓуетнички тензии. Во друг твит тој денеска напиша и дека секој глас се смета и ги повика и граѓаните да го искористат нивното право да гласаат и да ја определат иднината на својата земја.