Грчките власти преземаат силни безбедносни мерки пред утрешната дводневна посета на американскиот претседател Барак Обама на Атина. Обама утре пристигнува во Атина, а в среда ќе замине за Берлин, како дел од последната посета во странство.
Грчката полиција денеска објави забрана за јавни собири во центарот на Атина и во предградието, каде се наоѓа еден од луксузните хотели во градот. Безбедносните мерки стапуваат во сила неколку часа пред пристигнувањето на Обама. Најмалку 3.000 полицајци ќе бидат распоредени, додека главните булевари и патишта во центарот на Атина ќе бидат затворени за автомобили и периодично за пешаци.
Анархистите и левичарските партии планираат протести за време на посетата на Обама, а вооружена анархистичка група повика на „напади и судири“.