Турскиот претседател Реџеп Таип Ердоган го повика новоизбраниот претседател на САД Доналд Трамп за подобрување на односите и соработката во борбата против тероризмот, соопшти официјална Анкара. Ердоган изјави дека почнува нова ера како резултат на изборот на Трамп за претседател на САД. Односите на Ердоган со Барак Обама и со Западна Eвропа се влошени по масовните апсења на судии, новинари и професори по неупсешниот воен пуч против него во јули годинава. Турција бара израчување на свештеникот Фетула Ѓулен кој живее во САД и кој е обвинет дека го организирал пучот.