Иранскиот министер за надворешни работи Мохамед Зариф рече дека избраниот американски претседател Доналд Трамп треба да остане посветен на нуклеарниот договор потпишан меѓу Техеран и светските сили.
За време на неговата кампања Трамп вети дека ќе го искине нуклеарниот договор кој го нарече „еден од најлошите договори кои ги видел“.
Секој американски претседател треба да ја разбере стварноста во денешниот свет, рече Зариф денеска за агенцијата Ташим. Тој додаде дека е најважно идниот американски претседател да се држи до договорот и до преземените обврски. Зариф се наоѓа на службено патување во Романија.