Премиерот за спроведување на изборите, Емил Димитриев и владина делегација денеска се во посета на латвискиот главен град Рига, каде присуствуваат на петтиот состанок на шефовите на влади на земјите од средна и источна Европа и Кина, состанок кој е централна точка на Самитот на земјите од средна и источна Европа и Кина.
Овој Самит се одржува петта година по ред и негова основна цел е унапредување на мултилатералната соработка на земјите учеснички, како и унапредување на билатералната соработка на секоја од земјите учеснички со Народна Република Кина.