Шефот на турската армија генерал Хулуси Акар во Москва разговораше со неговиот руски колега генерал Валериј Герасимов. Руското министерство за одбрана соопшти дека генералите размениле мислења за ситуацијата во северниот дел на Сирија и настаните по должината на сириско ирачката граница во светлината на напорите за истерување на милитантите на Исламската држава од градот Мосул. Станало збор и за нормализирање на ситуацијата во опколениот сириски град Алепо. Русија и Турција имаат воени сили кои се вклучени во операциите во Сирија.
