Меркел и Оланд го укорија Путин за Сирија

Лидерите на Германија и на Франција Ангела Меркел и Франсоа Оланд го укорија рускиот претседател Владимир Путин за бомбардирањето во Сирија, наведувајќи дека не ја исклучуваат можноста од нови санкции против Русија. „Она што се случува во Алепо е воено злосторство. Најважно во моментов е запирање на бомбардирањето од страна на режимот потпомогнат од Русија“, изјави Оланд по состанокот меѓу тројцата лидери во Берлин посветен на мировниот процес во Украина.