Рускиот претседател Владимир Путин го суспендира 16 години стариот договор за намалување на руските и американските залихи на збогатен плутониум, наведувајќи дека тоа било поради „непријателските акции на Вашингтон спрема Русија“. До ова дојде и покрај најавите од двете страни дека се подготвени да го продолжат договорот. Американскиот Стејт департмент оцени дека ова е уште еден од серијата потези на Москва за завршување на долготрајната соработка во нуклеарното разоружување.
