Високиот претставник во Босна и Херцеговина Валентин Инцко денеска се закани дека по одржувањето на референдумот во Република Српска ќе следат санкции за властите. Тој истакна дека санкциите се можни и дека за прашањето ќе разговара на состанокот со Советот за имплементација на мирот.
Инцко порача дека ќе имаат повеќе сила ако се единствени и оти до сега немало расположение за санкции, но, како што потенцира сега климата се менува и сите членови кажуваат дека мора нешто да се направи.Тој додаде и дека референдумот е кршење на Договорот од Дејтон.