Делегацијата на Македонија на Генералното собрание на ОН годинава ќе биде предводена од претседателот на Република Македонија Ѓорѓе Иванов.
Во рамки на учеството на Генералното собрание на ОН предвидено е претседателот Иванов да оствари средба со Генералниот секретар на ОН, Бан Ки-мун, како и повеќе други билатерални средби со шефови на држави и влади, учесници на Генералното собрание. Сопругата на претседателот Маја Иванова на покана на сопругата на претседателот на САД, ќе присуствува на приемот кој го приредува Мишел Обама, како и на приемот во организација на сопругата на Генералниот секретар на ОН Бан Сон-Таек.
Во делегацијата на 71-то Генералното собрание на Обединетите нации во Њујорк ќе учествува и вицепремиерот и министер за за надворешни работи, Никола Попоски. Како што соопштуваат од МНР, во Њујорк, министерот Попоски ќе се обрати на бројни состаноци на министерско ниво, организирани како во рамките, така и на маргините на 71-то Генерално собрание на Обединетите нации во Њујорк. За време на настанот, Попоски ќе оствари и бројни билатерални средби.