Проширените американски санкции кон Русија не се во согласност со разговорите за можна соработка меѓу двете земји, соопштува Кремљ.
„Ова не е во согласност со разговорите за можна соработка во чувствителните области за кои разговараа двајцата претседатели“, рече денеска портпаролот на Кремљ, Дмитриј Песков.
Рускиот претседател Владимир Путин и неговиот американски колега Барак Обама, се состанаа на маргините на самитот на Г20 во Кина.
САД на 1 септември објавија нова рунда санкции против 37 физички лица и компании, заради улогата на Русија во Украина.
Песков сугерираше дека Москва ќе одговори на ист начин по анализата на санкциите.
