Министерот за надворешни работи Никола Попоски учествуваше на неформалниот состанок на министрите за надворешни работи на земјите-членки на Европската унија и земјите-кандидати за членство во ЕУ , кој се одржа вчера и денеска во Братислава.
Според соопштението на МНР, на состанокот станало збор за борбата против тероризмот и радикализацијата како и на поефикасното справување со предизвиците од мигрантската криза. Попоски истакнал дека заедничката борба против тероризмот би дала многу подобри резултати ако се случува преку интеграцијата на земјите од регионот во ЕУ и НАТО. Тој воедно ја подвлекол улогата на Македонија за стабилноста на регионот.