Безбедноста на Србија и стабилноста на регионот ќе бидат зачувани, бидејќи тоа е во интерес на Србија, изјави шефот на српската дипломатија Ивица Дачиќ по синоќешниот итен состанок на државниот врв на Србија. Состанокот бил свикан од претседателот Томислав Николиќ по повикот на Управниот одбор на Советот за примена на мирот во Босна и Херцеговина упатен до властите на Република Српска да не одржуваат референдум за денот на Република Српска. Дачиќ додаде дека било договорено состанокот со лидерите на Република Српска да се одржи в четврток, кога ќе бидат договорени натамошните чекори.
