НАТО: Русија ги зачести воените вежби

„Русија одржува голем број ненајавени воени вежби и тоа многу зачестено со што се затегнуваат нејзините односи со НАТО“, изјави заменик генералниот секретар на Алијансата Александар Вершбоу за време на посетата на Букурешт во понеделникот. „Членките на НАТО немаат одржано ненајавени вежби од крајот на Студената војна, додаде тој, оценувајќи дека доколку Москва сака стабилност и транспарентност, тогаш не би требало да одржува такви маневри. Русија на 25 август започна големи воени вежби на копно и на Црното и Каспиското море со што се зголеми загриженоста на Украина и другите западни соседи во врска со намерите на Москва.