Во Собранието утре почнува расправата по новиот ребаланс на Буџетот за 2016 година, кој се предлага за да се обезбедат средства за целосно обесштетување на штетите од поплавите од 6 август годинава.
Со ребалансот, по кој почнува расправата во собраниската Комисија за финансирање и буџет, се предлага обезбедување дополнителни 36,4 милиони евра за целосно обесштетување на поплавените.
Приходите во Буџетот се непроменети и остануваат на ниво на проекцијата од 174.291 милион денари. Расходите се зголемуваат од 195.472 милиони денари на 197.410 милиони денари, а се зголемува и буџетскиот дефицит од 3,6 на 4 проценти и ќе изнесува 23.119 милион денари, наместо 21.181 милион денари.
Ова е втор ребаланс на Буџетот годинава, кој беше направен во јули годинава.