Иран соопшти дека уапсил член на нивниот преговарачки тим, под сомневање за шпионажа.
Осомничениот бил ослободен со кауција, по неколку дена во затвор, но се уште е под истрага, објавија државните медиуми.
Од судството приведениот го опишаа како "шпион кој се инфилтрирал во нуклеарниот тим."
Локалните медиуми објавија дека властите го притвориле иранско-канадскиот државјанин, Абдолрасоул Дори Есфахани, кој беше член на тимот што работи на укинување на економските санкции, во преговорите за нуклеарниот договор меѓу Иран и светските сили.