Претседателот на СДСМ Зоран Заев денеска се сретна со Чарлс Купчан, виш директор за европски прашања при Националниот совет за безбедност на САД.
На средбата е разговарано за моменталната состојба во Македонија и предизвиците за спроведување на неопходните реформи за кредибилни избори во декември, велат од СДСМ.
Заев, како што наведува СДСМ, посочил дека е важно да се завршат договорените процеси до крајот на овој месец во делот на прочистувањето на Избирачкиот список и професионалното известување на медиумите за да се отвори пат за избор на техничката Влада.
„На средбата заеднички беше оценето дека за иднината на Република Македонија клучно е враќањето на земјата на нормалниот колосек и патот кон евроатланските интеграции“, се вели во соопштението.