Децата, жените и изнемоштените да се преселат за полесно расчистување на теренот, апелираше министерот за труд и социјална политика Диме Спасов. Тој вели дека се работи на расчистување на последиците од невремето во Стајковци и дека е започнат и процесот на дезинфекција.
Тој вели дека се реализира препораката на Владата на РМ за сите деца до 13 години, бремени жени, децата со своите мајки и стари неподвижни лица времено да се преселат кај роднини и пријатели надвор од ова населено место со цел да може полесно да се исчисти теренот.