Илјадници Бразилци протестираат против Олимпијадата во Рио де Жанеиро пред церемонијата за отворањето на Летните игри. Тие носат транспаренти на кои пишува „Не за Олимписките игри“. Околу 3.000 луѓе се собраа пред луксузниот Копакабана Палас хотел, каде што се сместени спортитстите. Демонстрантите се лути оти повеќе од 10 милијарди долари се потрошени за нова инфраструктура и за подготовки на настанот, а Бразил се соочува со економска криза. Тие бараат и оставката од привремениот претседател на Бразил Мишел Темер.
