Американскиот претседател Барак Обама изјави дека имало напредок на меѓународната коалиција предводена од САД во борбата против милитантите на Исламската држава, но додаде дека голем проблем и натаму ќе бидат нападите од таканаречените „осамени волци“ кои ја поддржуваат ИД. „Како што напредуваме во Сирија и Ирак, а ИД ја губи територијата таму, така ќе се зголемуваат напорите на оваа терористичка организација да инспирира и организира напади врз цивилни цели“, рече Обама.
