Италијанската влада е подготвена позитивно да оцени какво било барање на САД за користење на воздухопловни бази или воздушен простор за бомбардирање на позициите на организацијата Исламска држава во Либија, ако тие мерки придонесат за „брзо и ефикасно ставање крај“ на кампањата, изјави италијанската министерка за одбрана Роберта Пиноти. Таа денеска имаше обраќање пред италијанскиот парламент. Вчера италијанската влада соошти дека САД може да ја користат базата Сигонела на Сицијлија за вооружување на дроновите ако тоа им е потребно на американските сили.
