Русија ги отфрла критиките на САД за Сирија

Русија го оцени како неприфатлив тонот на американскиот државен секретар Џон Кери кој ја повика Москва, како и сирискиот режим да покажат воздржаност во борбите околу Алепо. Заменик рускиот министер за надворешни работи Сергеј Ријабков ги обвини Соединетите држави дека ги штитат бунтовниците и нивните екстремистички сојузници во Алепо, град на северот на Сирија кој е опколен од силите на режимот во Дамаск.