Руските власти ги отфрлаат наводите дека стојат зад хакирањето на мејловите на американскиот Национален комитет на Демократската партија. Вчера демократска кандидатка за претседател на САД Хилари Клинтон во интервју изјави: „Ние знаеме дека руските разузнавачки служби ги хакирале мејловите на Националниот комитет и знаеме дека организирале многу од тие мејлови да бидат објавени.“
Портпаролот на Кремљ, Дмитриј Песков денеска изјави дека коментарите на Клинтон се дел од предизборната реторика и не содржат ништо опипливо.
