Тројца украински војници се убиени, а уште тројца се ранети во новите судири меѓу владините сили и проруските сепаратисти во источниот дел на Украина, соопштија украинските воени власти. Вчера воените власти пријавија шест загинати. Тие обвинуват дека сепаратистите користат оружје кое е забрането со договорот за примирје. Министерството за одбрана на самопрогласената Народна Република Донецк, пак, ги обвини украинските сили дека бомбардирале областите под контрола на сепаратистите и раниле двајца цивили.
