Министерството за финансии најави дека ќе поднесе соодветни тужби до сите кои со клевета го нарушиле угледот на институцијата во врска со еврообврзницата. Од таму истакнуваат дека еврообврзницата е издадена законски, но дека СДСМ продолжува со неосновани тврдења да го нарушува меѓународниот углед на земјата.
Претходно СДСМ преку соопштение најави дека ќе поднесе кривични пријави против министерот за финансии Кирил Миноски и против заменик министерката за правда Билјана Бришковска во врска со издавањето на последната еврообврзница.