Американскиот државен секретар Џон Кери изјави дека ќе се сретне со неговиот руски колега Сергеј Лавров на маргините на самитот во Лаос кој ќе се одржи следната недела, а во фокусот на разговорите ќе биде војната во Сирија. На самитот на југоисточните азиски нации на 24 јули во Лаос освен Кери ќе учествуваат и дипломати од Русија и од Кина.
Кери се сретна со рускиот претседател Владимир Путин и со Лавров во Москва минатата недела, по што порача дека биле постигнат договор за конкретни чекори за прекин на огнот и за рестартирање на мировните преговори за Сирија. Кери истакна и дека на самитот во Лаос ќе направат преглед до каде се преговорите за Сирија.