Рускиот претседател Владимир Путин стави потпис на контроверзниот закон против тероризам, со што законот стапува на сила. Критичарите го осудија законот како неуставен. Пакетот на закони и измени и дополнувања на Законот вклучува и одредби за заострување на казните за екстремизам и тероризмот. Со законот исто така се зголемуваат овластувањата на владата за надзор, односно комуникациските провајдери ќе мора да дадат информации за повици, пораки, фотографии и видеа на корисникот во последните шест месеци. Опозициски пратеници и либерални активисти велат дека со законот се нарушува правото на приватност и на граѓански слободи.