Грчката полиција уапси пет луѓе кои планирале да прошверцуваат 87 сириски мигранти, од кои 46 биле деца, преку границата со Албанија. Уапсени се еден грчки и еден ирачки државјанин и тројца Сиријци. Тие биле уапсени во Солун додека се подготвувале да ги качат мигрантите во автобус со бугарски регистарски таблички. Мигрантите и кажале на полицијата дека секое возрасно лице требало да плати по пет илјади долари. Ова е прв познат случај за шверц да се користи Албанија, наместо вообичаената рута преку Македонија.
