Рускиот претседател Владимир Путин потпиша закон за формирање Национална гарда. Новите сили ќе имаат задача да се борат против тероризмот, во одбраната на руската територија и во заштита на државниот имот. Критичарите велат дека Националната гарда била креирана за да се справува со несогласувањата во момент кога Русија ја очекуваат парламентарни и претседателски избори. Според законот, Националната гарда има право да задушува протести и да употребува сила во случај на напад врз државни имоти.