Шефицата на европската дипломатија Федерика Могерини денеска на лидерите на ЕУ, на вториот ден од нивниот состанок во Брисел, ќе им ја претстави новата Глобална стратегија за безбедност и надворешна политика. Таа изјави дека е неопходно да се вложува во безбедноста и одбраната, бидејќи тоа е заедничка обврска и одговорност на земјите на ЕУ, наведувајќи дека излегувањето на Британија од Унијата доведе до „несигурност и хаос“. Могерини ја повика Европа да ги вложи сите нејзини капацитети за да се соочи со надворешните закани, како тероризмот, климатските промени и економските кризи со цел да им гарантира безбедност на нејзините граѓани.