На вчерашните повторени избори во Шпанија, според првичните резултати, победи конзервативната Народна партија која осовои 136 од 350 места во парламентот. Тоа значи дека оваа партија не може и самостојно да формира влада. Социјалистите се на второ место со 23 насто од гласовите, односно 86 пратеници. Народната партија која ја предводи сегашниот премиер Мариано Рахој владее од 2011 година. Изборите во декември лани не и донесоа мнозинство за ниедна партија, а потоа пропаднаа и шестмесечните преговори за формирање влада, по што мораше повторно да се одржат избори.
