Турција нема намера да се извини да и плати отштета на Русија поради соборувањето на рускиот авион во ноември, што предизвика криза во односите меѓу двете земји, изјави Ибрахим Кален, портпарол на турскиот претседател Реџеп Тајип Ердоган. Тој ги демантираше шпекулациите дека писмата, кои се испратени по повод Денот на Русија на 12 јуни од Ердоган и премиерот Бинали Јилдирим до нивните руски колеги Владимир Путин и Дмитриј Медведев, се почеток на процес на помирување, во кој Москва настојува Анкара да се извини за случајот и да плати компензација.
