Шефот на ЦИА Џон Бренан предупреди во американскиот Конгрес на опасноста од евентуални индивидуални терористички напади. Тој додаде дека ЦИА не нашла врска меѓу убиецот во Орландо и странски терористички организации. „Ова е глобален предизвик. Бројот на припадници на ИД расте и сега го надминува бројот што Ал Каеда го имаше кога беше најмоќна“, рече Бренан. Според него, ИД ја разгранува мрежата и работи на нејзино поврзување. „Најопасна е онаа во Либија“, изјави тој, додавајќи дека ИД ги обучува милитантите да изведуваат напади во Европа и САД.