Главниот обвинител на францускиот град Марсеј изјави дека Русите вклучени во судирите со британските фанови на Европското првенство биле „исклучително добро обучени“ и подготвени за насилство.
Обвинителот Брис Робин денека рече дека имало 150 руски поддржувачи кои биле хулигани подготвени за брза и ултранасилна акција. Во судирите меѓу навивачите на Русија и Англија пред и по почетокот на натпреварот 35 луѓе беа повредени и најмалку еден британски фан е во критична состојба.
Британскиот помошник началник Марк Робертс изјави дека многу руски хулигани носеле боречки ракавици и ножеви.
Тој додаде дека двајца Руси исто така се протерани од Франција.
УЕФА ги предупреди федерациите на Англија и на Русија дека нивните тимови можат да бидат исклучени од Еуро 2016 доколу нивните навивачи продолжат со ваквото однесување.