Грчката полиција денеска почна со иселување на мигранти од импровизираниот камп во Поликастро, на границата со Македонија, изјави неименуван полициски претставник.
Мигрантите со автобуси ќе бидат префрлени во прифатни центри во регионот. Во импровизираната населба на околу 20 км. од границата со Македонија имаше околу 1.800 мигранти.
Расчистувањето на кампот е дел од стратегијата на Грција да спречи концентрација на мигранти во лоши услови, наведуваат западни медиуми. Во Грција моментно има повеќе од 50.000 мигранти.