Руските фудбалски фанови се судрија со англиските навивачи синоќа, за време на натпреварот на тимовите од двете земји на Еуро 2016 во јужниот француски град Марсеј. Инцидентите имаше на трибините, а тие продолжија и на самиот стадион Велодром каде реагираше обезбедувањето. Инаку Фудбалерите на Русија и на Англија синоќа на „Велодром“ во Марсеј ремизираа играјќи 1:1, што претставува прв нерешен резултат на Европското првенство во Франција.
Европската фудбалска унија, УЕФА, соопшти дека ќе отвори дисциплинска постапка, и оти Русија се соочува со можност од посериозни санкции поради судирите на стадионот. УЕФА во соопштението наведе дека "остро ги осудува инцидентите во Марсеј" и дека " за луѓето вклучени во таквите акти на насилство нема место во фудбалот.