УНХЦР изврши ревизија на своите операции во Грција и на Балканот и бара повеќе пари за да им помогне на илјадниците мигранти блокирани во Грција.
Тие наведуваат дека договорот меѓу Турција и ЕУ за справување со мигрантите предизвикало силно намалување на бранот бегалци по рутата Турција-Грција по која минаа над еден милион мигранти од јануари 2015 година за да стигнат до Европа.
Портпаролот Вилијам Спиндлер нагласи денеска дека УНХЦР и 60 партнерски организации бараат вкупно 670 милиони долари за регионален план за бегалците и мигрантите.
Таа сума е зголемена од првичната – 550 милиони долари кога планот почна со примена во јануари. Тој вели дека на многу лица кои бараат азил не им се дозволува да ги напуштат грчките острови.