Русија соопшти дека воените вежби кои се одржуваат во Полска „не придонесуваат за атмосфера на доверба и безбедност“ во Европа.
Портпаролот на Кремљ, Дмиртиј Песков денеска ги даде коментарите, еден ден откако членки на НАТО и неколку партнерски земји ја започнаа најголемата воена вежба во Полска.
Околу 31.000 трупи од Полска, САД, други земји на НАТО и пет партнерски земји учествуваат во вежбите на земја, море и во воздух.
Вежбите се одржуваат неколку недели пред одржувањето на Самитот на НАТО во Варшава, на кој се очекува да биде одлучено дали значително да се зголемат трупите на НАТО и воената опрема во Полска и другите балтички земји.
Русија вели дека секое присуство на НАТО трупите блиску до нејзините граници е закана за нејзината безбедност и предупреди дека ќе преземе мерки.