Во Романија денеска се одржуваат локалните избори, а право на глас имаат околу 18 милиони граѓани. На изборите се бираат градоначалници и членови на општинските совети. Изборите се одржуваат во сенка на обвиненијата за корупција против десетици актуелни и поранешни носители на јавни функции, меѓу кои се и некои од кандидатите на денешното гласање. Гласањето ќе трае до 20 часот, а првите резултати се очекуваат доцна вечерва.
