Жителите на Кипар денеска ќе гласаат на парламентарни избори на кои за 56 места во Парламентот се борат рекордни 600 кандидати од вкупно 22 политички партии и коалиции.
Анкетите на јавното мислење спроведени во пресрет на изборите, укажуваат на победа на конзервативниот Демократски собир (ДИСИ), кој се очекува да освои околу 24,5 проценти од гласовите. На второ место според популарноста е левичарската Прогресивна партија на работниот народ (АКЕЛ), која ужива поддршка на околу 20 проценти од избирачите.