Лидерот на ДУИ Али Ахмети на својот фејсбук профил наведува дека неговата партија во наредните денови ќе преземе конкретни активности да се свика Собранието и оти тоа треба да се случи што е можно поскоро за да се вратат стабилноста и безбедноста со евроатлантска перспектива. Според него, избори на 5 јуни без учество на ДУИ, СДСМ и ДПА не претставува крај на политичката криза, туку нејзино продлабочување. „Ние сме посветени да се најде решение во согласност со интересите на нашите граѓани и очекувањата на меѓународната заедница“, наведува Ахмети. Притоа се повикуваат сите политички партии да се приклучат на иницијативата за враќање на парламентот и да се започне заедничко решавање на кризата.