Двајца полицајци загинаа, а 22 се повредени во денешната експлозија во близина на седиштето на полицијата во турскиот град Газиантеп. Медиумите јавуваат дека станува збор за експлозија на автомобил бомба. Локалните власти соопштиле дека девет од повредените луѓе се полицајци. Газиантеп на јужниот дел граничи со територија која е под контрола на Исламската држава.
