Агенцијата за статистика на ЕУ соопшти дека земјите членки на Унијата во минатата година им дале азил на над 330 илјади мигранти. Според Еуростат, тоа е за 72 насто повеќе од претходната 2014 година. Половина од нив односно над 166 илјади биле од Сирија, 27 илјади од Еритреја и 23 илјади од Ирак. Најмногу барања за азил одобрила Германија, а на второ место е Шведска, по што следуваат Италија, Франција, Британија, Австрија и Холандија. Најмалку мигранти и тоа помалку од 100 прифатиле Хрватска, Естонија, Летонија, Литванија, Словенија и Словачка.