Неколку стотина демонстранти организирани од граѓанското движење „Протестирам“, попладнево го почнаа протестот пред Специјалното јавно обвинителство. Тие извикуваат „Нема правда нема мир“, „Робија за фашисти“, а се очекува да го продолжат протестот кон Собранието. Засега на протестите е мирно. Ова е втора недела протести по одлуката на претседателот Ѓорге Иванов за прекин на сите постапки поведени против политичари, кои се поврзани со прислушувањата.
