Министерството за надворешни работи на Иран соопшти дека Русија им го испорачала првиот дел од пратката на воздушните одбранбени ракетни системи С-300. Соопштението денеска го објави портпаролот на иранското МНР, но сепак Кремљ одбива да ги коментира извештаите, информираат руските медиуми. Русија соопштува дека во 2010 година ги откажала договорите за испорака на С-300 во Иран, поради притисок од Западот. Но, претседателот Владимир Путин вели дека е укината таа забрана во април 2015 година според нуклеарниот договор меѓу Иран и светските сили. Израел силно се противи Иран да биде снабден со системот.