Српскиот националист Воислав Шешељ е прогласен за персона нон-грата во Косово и му е забрането влегувањето во земјата. Оваа одлука следува само неколку дена откако тој беше ослободен од обвинувањата за воени злосторства . Хрватска и Босна и Херцеговина беа вчудоневидени од ослободителната пресуда што ја донесе Хашкиот трибунал на 31 март. Според неа Шешељ не е виновен за воени злосторства против човештвото сторени за време на војните на Балканот во деведесетите години. Часови по одлуката Хрватска му забрани влез на Шешељ на нејзина територија, а Босна и Херцеговина презема слични мерки. Косовскиот министер за надворешни работи Петрит Селими за агенцијата Франс прес рече дека на него не му е дозволен влез и во Косово.
Шешељ кој планира да учествува на изборите во Србија што ќе се одржат на 24 месецов рече дека сака да ги посети местата во Косово во кои живеат Срби.
