Американскиот амбасадор Џес Бејли денеска повика на дополнување на Законот за заштита на приватноста во согласност со препораките на Венецијанската комисија. Тој на твитер напиша дека тоа е најдобриот начин да се спречи понатамошно објавување на неовластено снимени материјали. Бејли пишува дека таквите материјали треба да ѝ бидат предадени на Специјалната обвинителка Катица Јанева и оти „загрозувањето на приватноста треба да биде истражено“.
На социјалните мрежи во последниве неколку недели, од непознат сторител, беа објавени приватни разговори меѓу политичари, новинари и сопственици на медиуми, кои се однесуваат на лични работи.